У цэнтры Мінска на Юрава-Завальнай, 11 адкрыўся рэстаран «Мары». Тут гатуюць неатрадыцыйную беларускую кухню.
Каманда адзначае: «“Мары” – гэта месца, дзе беларуская душа сустракаецца з сучасным смакам». Напрыклад, можна паспрабаваць бульбу з марожаным з зеляніны, капыткі з белымі грыбамі, тар-тар з ялавічыны і буракоў ды іншыя стравы. Поўнае меню пакуль не з’явілася ў сацсетках новага рэстарана.
Унутры ўстановы, як адзначыў блогер @Gdehodil, вялікія вокны і сучасны інтэр’ер з акцэнтам на нацыянальны беларускі каларыт. Рэстаран пакуль працуе ў тэставым рэжыме. У меню прадстаўлена толькі 30% страў, дзейнічае скідка 20% на ўсю кухню.
Мяркуючы па яго відэа, рэстаран даволі прасторны і мае шмат пасадачных месцаў.
Дарэчы, CityDog.io нядаўна пісаў, што на праспекце Незалежнасці, 43, дзе з 2017 года працавала пяльменная «Мука», адкрылася другая «Рюмочная».
Перадрук матэрыялаў CityDog.io магчымы толькі з пісьмовага дазволу рэдакцыі. Падрабязнасці тут.
Фота: @Maryminsk.rest.
