10 чэрвеня ў Літаратурным музеі Максіма Багдановіча адбудзецца прэзентацыя факсімільнага выдання зборніка «Вянок» – першай і адзінай кнігі паэта, якая выйшла пры яго жыцці.
Літаратурны музей Максіма Багдановіча запрашае на прэзентацыю адноўленага выдання кнігі «Вянок» – адзінага зборніка паэта, які выйшаў пры яго жыцці. Мерапрыемства адбудзецца 10 чэрвеня 2025 года ў 17:00 у музеі па адрасе: Мінск, вул. Багдановіча, 7а. Уваход вольны.
Кніга «Вянок» упершыню была надрукавана ў 1913 годзе ў Вільні. Гэта быў першы зборнік вершаў Максіма Багдановіча. У той час крытыкі вельмі высока ацанілі творы маладога аўтара – адзін з іх, Антон Луцкевіч, параўнаў паэзію Багдановіча з чыстай крынічнай вадой, якая асвяжае душу.
З таго часу прайшло больш за 100 гадоў, але, як піша каманда музея, кніга дагэтуль застаецца важнай і любімай для многіх. У 1985 годзе яе ўжо перавыдавалі – тады выданне разышлося вельмі хутка. Цяпер «Вянок» зноў вяртаецца да чытачоў – дзякуючы падтрымцы кампаніі «ЛОДЭ» і крамы «Акадэмічная кніга».
Перадрук матэрыялаў CityDog.io магчымы толькі з пісьмовага дазволу рэдакцыі. Падрабязнасці тут.
Фота: @Bagdanovichmuseum.
