Са студзеня пачынаецца святкаванне Каляд – беларусы апранаюць маскі козачак і мядзведзяў, каб павіншаваць знаёмых са святам. CityDog.io сабраў вырабы ад брэндаў і майстроў, якія дапамогуць калядоўшчыкам разнастаіць свае вобразы.
Калье з козачкай ад Ego-art
Брэнд ювелірных вырабаў Ego-art зрабіў камплект упрыгажэнняў з галоўным сімвалам Каляд – козачкай. У наборы ёсць срэбранае калье з эмаллю (179 руб.) і падвескі (99–217 руб.), у тым ліку з каляднай зоркай.
Дызайнерскія скураныя вырабы
Дызайнерка Наталля Шыманская стварае вырабы са скуры. У снежні майстрыха выпусціла калекцыю скураных аксесуараў з беларускім арнаментам – вырабы абыйдуцца ў 30$. Наталля жыве ў Тбілісі, але гатова дасылаць поштай вырабы ў іншыя краіны.
Фота: @natalie_shymanskaya.
Каралі ад Paludnica
Беларускі брэнд Paludnica спецыялізуецца на спалучэнні традыцый і сучаснасці ва ўпрыгажэннях – у выніку атрымліваюцца прыгожыя каралі. Для стварэння выкарыстоўваюць розныя матэрыялы: бісер, шкло і кераміку. На заказ выраб каштуе 120 руб.
Фота: @drahunova.ph.
Калядны заплечнік і аксесуары ад Vokladki
Тыя, хто хоча ўпісаць калядны настрой у паўсядзённыя вобразы, могуць звярнуць увагу на вырабы ад брэнда Vokladki. Яшчэ год таму Vokladki выпусцілі тэматычную святочную калекцыю: ёсць касметычка (30 руб.), вокладка для дакументаў (33 руб.) і заплечнік (142 руб.).
Калядная калекцыя ад брэнда Vokladki. Фота: Vokladki.by.
Упрыгажэнні для кватэры: ад каляднай зоркі да талерак з крумкачамі
Апроч калядных аксесуараў, беларускія майстры і брэнды робяць прыгожыя прадметы інтэр’еру. Паглядзіце, як можна разнастаіць сваю кватэру ў Каляды.
Напрыклад, брэнд «Белы маёнтак» зрабіў драўляныя калядныя зоркі – яны нават круцяцца і звіняць. Таксама ёсць калядныя маскі з казой і чортам. Кошт вырабаў – 50 руб., а дастаўляюць іх па ўсёй Беларусі.
Фота: @pani___alena.
Рамесная майстэрня Kmit робіць вязаных калядных конікаў для ялінак. Цацка ўпрыгожана металічным званочкам і каштуе 40 руб.
Фота: instagram.com/kmit_art.
Гродзенская этнакрама «Цудоўня» прапануе ўпрыгожыць калядны стол талеркамі з крумкачамі. Дастаўляюць вырабы па ўсёй Беларусі.
Перадрук матэрыялаў CityDog.io магчымы толькі з пісьмовага дазволу рэдакцыі. Падрабязнасці тут.
Фота на вокладцы: Margarita Marushevksa, Unsplash.com.
