Зіма ўжо на парозе, а разам з ёй – час святаў і падарункаў. CityDog.io паглядзеў, дзе шукаць цікавыя і незвычайныя варыянты шкарпэтак у беларускіх брэндаў, каб зімовыя падарункі былі не толькі карыснымі, але і моднымі.
PAULA – брэсцкі брэнд, які выпускае якасныя базавыя рэчы. У іх заўсёды можна знайсці мілыя наборы шкарпэтачак з добрым складам і ў актуальных адценнях. Акрамя таго, кошты даволі бюджэтныя: за 5 пар давядзецца заплаціць каля 30 руб., гэта значыць адна пара абыходзіцца прыблізна ў 6 руб. Для параўнання, некаторыя мадэлі ў Conte каштуюць даражэй.
Асобны бонус – стыльная ўпакоўка. Такі набор не сорамна падарыць сяброўцы на святы.
Кошт: 32 руб. (са скідкай).
У гэтага беларускага брэнда таксама ёсць шкарпэткі. На выбар прапануецца некалькі класічных варыянтаў – чорныя або белыя з лагатыпам Uno Mas Uno. Праўда, каштуюць яны даражэй за папярэднія – 20 руб. за пару.
Але ёсць і больш цікавыя мадэлі. Тут можна знайсці яркія табі-шкарпэткі з асобным вялікім пальцам. У такіх зручна насіць табі-абутак або надзяваць пад в’етнамкі. А яшчэ пішуць, што іх фарбуюць уручную. Гучыць крута, але з-за гэтага колер і насычанасць у рэчаіснасці могуць адрознівацца ад фота.
Кошт: 20 руб. за адну пару, 15 руб. за табі-шкарпэткі.
Пройдземся па класіцы ў свеце шкарпэтак – Mark Formelle. Тут ужо поўным ходам выпускаюць варыянты на навагоднюю тэматыку. Дарэчы, у гэтых калекцыях у складзе ёсць воўна, таму ў іх вы дакладна не змерзнеце.
А яшчэ раім звярнуць увагу на наборы баваўняных шкарпэтак розных адценняў – выглядаюць сімпатычна, а самі колеры цалкам трэндавыя. Таму яны таксама могуць стаць выдатным падарункам.
Кошт: ад 5 руб. да 9 руб. за пару.
У Conte варта заглянуць па мілыя шкарпэткі з прынтамі сабак і катоў. А яшчэ тут прадаюцца высокія гетры, якія многія модныя інфлюенсеры надзяваюць пад высокія боты. Ну і, вядома, тут можна купіць сімпатычныя аднатонныя шкарпэткі з добрым складам, якія не расцягваюцца пасля трох мыццяў (праверана на ўласным досведзе).
Кошт: ад 7 руб. за высокія гольфы да 14 руб. за шкарпэткі з таксамі.
Сюды варта ісці або па вясёлыя шкарпэткі з рознымі надпісамі, або па якасныя базавыя шкарпэткі ў трэндавых адценнях. Трэцяга не дадзена.
Кошт: каля 4 руб. за пару
Тут шмат базавых шкарпэтак, але сустракаюцца і пацешныя варыянты. Напрыклад, белыя баваўняныя шкарпэткі з надпісам Adidog і костачкамі, якія нагадваюць арыгінальны лагатып Adidas, – бюджэтная альтэрнатыва папулярнаму брэнду.
Сярод іншага цікавага – чорныя шкарпэткі з надпісам «ZARAZA» на аранжавым фоне. Не можам гарантаваць, што вытворца сапраўды рабіў адсылку да вядомага дарослага сайта, але думкі пра гэта мімаволі з’яўляюцца.
Кошт: каля 3 руб. за любую пару.
Перадрук матэрыялаў CityDog.io магчымы толькі з пісьмовага дазволу рэдакцыі. Падрабязнасці тут.
