У Мінску стала на адзін рэстаран беларускай кухні больш. 12 мая на вуліцы Рэвалюцыйнай, 26, адкрылася новая ўстанова сеткі «Літвіны».
Аб адкрыцці каманда паведаміла ў інстаграме. Там напісалі: «Запрашаем! “Літвіны” на Рэвалюцыйнай адчынілі дзверы раскошнай гала-вячэрай і ўжо гатовы сустракаць першых гасцей. Цяпер таямніцы Радзівілаўскага замка ў самым сэрцы Мінска».
Тыя, хто ўжо пабываў у новых “Літвінах”, пішуць у сацсетках, што ў рэстаране прасторны інтэр’ер і ёсць прыгожы балкон.
Новы рэстаран стаў ужо пятай лакацыяй сеткі. Цяпер «Літвіны» працуюць па наступных адрасах:
- вул. Свярдлова, 2, Мінск;
- ТРЦ Green City, Мінск;
- пр-т Пераможцаў, 119, Мінск;
- ТРЦ Triniti, Гродна.
Перадрук матэрыялаў CityDog.io магчымы толькі з пісьмовага дазволу рэдакцыі. Падрабязнасці тут.
