24.09.2025
Куды пайсці ў выхадныя ў Мінску 26–28 верасня
Мінск амаль канчаткова развітаўся з летняй цеплынёй, але гэта не нагода заставацца дома. Паглядзіце, якія цікавыя івэнты CityDog.io падабраў на бліжэйшы ўікенд.
Мінск амаль канчаткова развітаўся з летняй цеплынёй, але гэта не нагода заставацца дома. Паглядзіце, якія цікавыя івэнты CityDog.io падабраў на бліжэйшы ўікенд.
Знаёмімся з Мінскам бліжэй
- 26 верасня, 12:30.
- Мінская гарадская ратуша (пл. Свабоды, 2а).
- Уваход: 25 руб.
Мінчан завуць на экскурсію па Верхняму гораду. Будзем слухаць гісторыі пра ратушу, гасціны двор і кірмаш. Бонусам – наведванне археалагічнага музея. Гэта апошнія экскурсія ў верасні – крыўдна такое прапусціць.
Адпраўляемся на чытку п’есы
- 26 верасня, 19:00.
- Прастора Horizont HUB (вул. Куйбышава, 22).
- Уваход: 25 руб., білеты можна набыць тут.
У арт-прасторы запускаюць новы фармат – мастацкае чытанне п’ес. Пачнуць з твора канадскага драматурга Норма Фостэра «Даўнія знаёмыя». Пагружаць у тэатральны сусвет будуць акцёры Аксана Лясная і Віталь Новікаў.
Ідзем на арт-вечарыну
- 27 верасня, 17:00.
- Галерэя «Арт Фабрика» (вул. Свярдлова, 2).
- Уваход: 15 руб.
У галерэе пройдзе арт-вечарына. Запланавана лекцыя пра кітайскі дызайн, сустрэча з мастаком Андрэем Савічам і прэзентацыя гайда па мінскаму канструктывізму. Будзе некалькі пляцовак, а яшчэ – мастар класы для дзяцей і дарослых.
Удзельнічаем у сапраўдным аўкцыёне
- 27 верасня, 19:00.
- Рэстаран Babe (вул. Кальварыйская, 21).
- Уваход: вольны.
У Babe ладзяць аўкцыён. Так, той самы, дзе пакупнікі змагаюцца за каштоўныя рэчы. У суботні вечар мінчане змогуць набыць калекцыйны вініл і карціны беларускіх мастакоў. Арганізатары абяцаюць пагружэнне ў атмасферу і магчымасць завалодаць сапраўды ўнікальнымі рэчамі.
Абменьваемся адзеннем і кнігамі
- 28 верасня, 12:00.
- Бар Molodoi (вул. Веры Харужай, 25).
- Уваход: вольны, але неабходна папярэдняя рэгістрацыя ў direct.
Дома назапасіліся клёвае адзенне, кнігі або прадметы інтэр’еру, якімі ўжо не карыстаецеся? Добрая нагода, каб прынесці іх у Molodoi – там ладзяць абмен рэчамі.
Сустракаемся з беларускім блогерам
- 28 верасня, 17:00.
- Музей гісторыі беларускай літаратуры (вул. Багдановіча, 13).
- Уваход: 25 руб.
Беларускамоўны блогер і музыка Ілля Шынкарэнка ладзіць сустрэчу ў музеі. Абяцаюць цікавую размову, прызы і магчымасць задаць блогеру ўсе пытанні, якія доўгі час вас цікавілі.
Развітваемся з выхаднымі пад музыку
- 28 верасня, 20:00.
- Бар Beer&Wine (вул. Кульман, 9).
- Уваход: 15 руб.
Выкідваем з галавы, што ў панядзелак трэба ісці на працу – і нядзельным вечарам адпраўляемся на канцэрт. Будуць выступаць беларускія інды-групы «Парадантоз», «До завтра» і Kola Vanilla.
Перадрук матэрыялаў CityDog.io магчымы толькі з пісьмовага дазволу рэдакцыі. Падрабязнасці тут.
Фота: Lala Azizli, Unsplash.com.
Еще по теме:
СЕЙЧАС НА ГЛАВНОЙ
