26 чэрвеня пройдзе анлайн-вэбінар, прысвечаны таму, як эфектыўна прасоўваць важныя грамадскія тэмы праз лічбавыя інфармацыйныя кампаніі і супрацоўніцтва з медыя. Да ўдзелу запрашаюць прадстаўнікоў і прадстаўніц моладзевых ініцыятыў і арганізацый з Беларусі, Украіны, Малдовы і Арменіі.
Падчас сустрэчы ўдзельнікам раскажуць, як зрабіць так, каб важныя праблемы заўважыла патрэбная аўдыторыя, а голас ініцыятыў стаў больш чутным у публічнай прасторы. Арганізатары абяцаюць абмеркаваць стварэнне лічбавых інфармацыйных кампаній, якія працуюць, а таксама падзяліцца досведам наладжвання партнёрстваў з медыя.
Асобную ўвагу плануюць надаць рэальным кейсам. Імя спікеркі арганізатары не раскрываюць з меркаванняў бяспекі.
Удзел у вэбінары могуць узяць актыўныя маладыя людзі, а таксама прадстаўнікі і прадстаўніцы моладзевых ініцыятыў і арганізацый з Беларусі, Украіны, Малдовы і Арменіі. Мова мерапрыемства – англійская.
Вэбінар адбудзецца 26 чэрвеня 2026 года ў 13:00 па мінскім часе. Для ўдзелу неабходна папярэдне зарэгістравацца.
Перадрук матэрыялаў CityDog.io магчымы толькі з пісьмовага дазволу рэдакцыі. Падрабязнасці тут.
