CityDog.io зазірнуў у гістарычныя цэнтры Гродна, Нясвіжа, Полацка і Пінска – туды, дзе захавалася вялікая колькасць помнікаў архітэктуры, – і паглядзеў, колькі каштуюць кватэры побач з імі.
Гродна
Гістарычны цэнтр Гродна ўключаны ў Дзяржаўны спіс гісторыка-культурнай спадчыны Беларусі як аб’ект катэгорыі «1» – міжнароднага значэння. Па сутнасці, гэта адзін з нямногіх беларускіх гарадскіх цэнтраў, дзе гістарычная тканіна захавалася так шчыльна і суцэльна.
Сярод галоўных пунктаў – Каложская царква XII стагоддзя, Стары і Новы замкі, Фарны касцёл Святога Францыска Ксаверыя, манастыры і касцёлы бернардзінцаў, езуітаў і францысканцаў, а таксама лютэранская кірха і дом віцэ-губернатара. Асабліва шануецца тут і само гарадское асяроддзе: вузкія вулачкі, перапады рэльефу, дворыкі і віды на Нёман.
Гродненец – о том, что ему (не) нравится в родном городе
Кватэра з відам на Фарны касцёл
Гістарычны Дом Аўгусцевіча, збудаваны каля 1870 года, – «архітэктурны помнік, які захоўвае ў сабе стагоддзі гісторыі – ад гандлёвых шэрагаў і ўтульных гасцініц да сучасных жылых прастор». Сама кватэра з відам на Фарны касцёл. У ёй ёсць прасторны пакой, абсталяваная сучасная кухня, стыльны санвузел, піша аўтар аб’явы і дадае: «Гэта эксклюзіўная прапанова з высокай інвестыцыйнай каштоўнасцю!»
Дзе: вул. Карла Маркса, 7
Плошча: 46,3 кв. м
Пакояў: 1
Колькі каштуе: 285 000 руб. (98 558$)
Фота: Realt.by.
Фота: Realt.by.
Фота: Realt.by.
Фота: Realt.by.
Вялікая 4-пакаёвая кватэра з высокімі столямі
Кватэра знаходзіцца ў самым цэнтры Гродна, але яна без сучаснага рамонту. Таму, з аднаго боку, прыйдзецца ўкласціся яшчэ і ў пераробку, а з іншай – гэта магчымасць зрабіць унутры ўсё пад сябе.
Пра кватэру: размешчана на другім паверсе 2-павярховага цаглянага дома 1898 года пабудовы; сумешчаны санвузел; высокія столі – 3,2 м; вельмі цёплая і з выдатнай гукаізаляцыяй. Вокны выходзяць на два бакі, з аднаго з іх – від на ціхі двор з дзіцячай пляцоўкай. У двары ёсць паркоўка з зараднай станцыяй для электрааўтамабіля.
Дзе: вул. Карла Маркса, 14
Плошча: 104,5 кв. м
Пакояў: 4
Колькі каштуе: 303 629 руб. (105 000$)
Фота: Realt.by.
Фота: Realt.by.
Фота: Realt.by.
Фота: Realt.by.
Фота: Realt.by.
Кватэра з відам на пешаходную вуліцу
Дом, у якім знаходзіцца гэта кватэра, – гісторыка-культурная каштоўнасць Беларусі, напісана ў аб’яве. Год пабудовы – 1890. З вокнаў адкрываецца від на пешаходную Савецкую вуліцу і ў двор. Праўда, рамонт у кватэры (з магчымасцю перапланіроўкі) вам давядзецца рабіць самім.
Дзе: вул. Савецкая, 13
Плошча: 61,6 кв. м
Пакояў: 4
Колькі каштуе: 228 000 руб. (78 846$)
Фота: Realt.by.
Фота: Realt.by.
Фота: Realt.by.
Фота: Realt.by.
Фота: Realt.by.
Двушка ў доме 1889 года пабудовы
Прасторная двухпакаёвая кватэра знаходзіцца ў доме 1889 года пабудовы (гэта гісторыка-культурная каштоўнасць Беларусі). У 1990-м тут рабілі капітальны рамонт. «Акуратны жылы стан, якаснае аздабленне. <...> У кватэры часткова застаецца мэбля і тэхніка. Міжпакаёвыя дзверы – драўляныя, уваходная – металічная. Усе лічыльнікі ўсталяваны», – напісана ў аб’яве.
За кватэрай замацавана кладоўка, а таксама ёсць прасторнае паддашкавае памяшканне. У двары – паркоўка. Побач з домам знаходзяцца пешаходная Савецкая вуліца, парк Жылібера, аўтавакзал, недалёка чыгуначны вакзал, цэнтральны рынак.
Дзе: вул. Вялікая Траецкая
Плошча: 50,8 кв. м
Пакояў: 2
Колькі каштуе: 216 945 руб. (75 000$)
Фота: Realt.by.
Фота: Realt.by.
Фота: Realt.by.
Фота: Realt.by.
Фота: Realt.by.
Полацк
Гістарычны цэнтр Полацка будуецца вакол Сафійскага сабора, Ніжне-Пакроўскай вуліцы, плошчы Свабоды, плошчы Францыска Скарыны. Таксама ў гэтай частцы горада знаходзяцца Спаса-Еўфрасіннеўскі манастыр, Багаяўленскі сабор і Езуіцкі калегіум.
Местная жительница – о ценах и жизни в Полоцке
5-пакаёвая кватэра з тэхнікай і мэбляй
З аб’явы пра кватэру вядома толькі тое, што яна знаходзіцца ў доме 2017 года пабудовы і прадаецца разам з тэхнікай і мэбляй. Па фотаздымках зразумела, што пакоі размешчаны на двух узроўнях.
Дзе: вул. Ніжне-Пакроўская, 29
Плошча: 170 кв. м
Пакояў: 5
Колькі каштуе: 433 890 руб. (150 000$)
Фота: Realt.by.
Фота: Realt.by.
Фота: Realt.by.
Фота: Realt.by.
Кватэра з відам на Сафійскі сабор
«Сонца ў кватэры з раніцы, пасля абеду і да вечара. Раскошны выгляд з вокнаў ваннага пакоя і прасторнай кухні – на зялёны двор, а з жылых пакояў і балкона адкрываецца незабыўны, надзвычайны від на Багаяўленскі сабор, Сафійскі сабор і на Цэнтральную плошчу горада», – піша аўтар аб’явы.
Кватэра знаходзіцца ў доме 1938 года пабудовы, капітальны рамонт даху і камунікацый дома зроблены ў 2000 годзе. Побач – музеі, сквер, праменад, рака Заходняя Дзвіна, кафэ, рэстараны, прыпынкі, аптэкі, крамы розных напрамкаў гандлю, школы і дашкольныя ўстановы.
Дзе: праспект Скарыны, 14
Плошча: 48 кв. м
Пакояў: 2
Колькі каштуе: 210 700 руб. (72 840$)
Фота: Realt.by.
Фота: Realt.by.
Фота: Realt.by.
Фота: Realt.by.
Нясвіж
Горад уваходзіць у спіс самых вядомых гісторыка-турыстычных мясцін краіны, а яго гістарычны цэнтр уключае ў сябе Нясвіжскую ратушу, Фарны касцёл, Слуцкія вароты, а таксама палацава-паркавы ансамбль Радзівілаў, які знаходзіцца побач. Плюс тут захаваліся не толькі знакавыя помнікі, але і фрагменты старога гарадскога асяроддзя – дамы на былым рынку, гістарычная забудова вуліц, паркі і краявідныя пункты.
І вось побач з гэтай прыгажосцю знаходзіцца толькі адна кватэра, якую выставілі на продаж.
Кватэра ў 7 хвілінах хадзьбы ад Нясвіжскага замка
Кватэра знаходзіцца ў 5 хвілінах хадзьбы ад цэнтральнай ратушнай плошчы, дзе размешчаны асноўныя аб’екты гісторыка-культурнай спадчыны і аб’екты інфраструктуры – ад рэстаранаў і кафэ да гандлёвых радоў і аўтавакзала. А ўсяго ў 7 хвілінах хадзьбы – Нясвіжскі замак.
У самой кватэры заведзены ўсе цэнтральныя камунікацыі – электрычнасць, газ, водазабеспячэнне і каналізацыя. «Ніякіх клопатаў з абслугоўваннем», – піша аўтар аб’явы. Тут таксама раздзельны санвузел, ёсць хлеў і склеп, якія могуць выкарыстоўвацца для захоўвання і пад гаспадарчыя патрэбы.
Дзе: вул. Карла Маркса
Плошча: 61 кв. м
Пакояў: 3
Колькі каштуе: 129 982 руб. (44 950$)
Фота: Realt.by.
Фота: Realt.by.
Фота: Realt.by.
Фота: Realt.by.
Фота: Realt.by.
Пінск
Гістарычны цэнтр Пінска – гэта найперш плошча Леніна і прылеглыя вуліцы, дзе сканцэнтраваны галоўныя помнікі Старога горада. Тут жа знаходзіцца ядро гістарычнай забудовы Пінска – былы езуіцкі калегіум, францысканскі манастыр з кафедральным касцёлам Унебаўзяцця Дзевы Марыі, вежа-званіца, палац Мацея Бутрымовіча, будынкі былой пошты і банкаў, а таксама шэраг жылых і грамадскіх дамоў канца XIX – пачатку XX стагоддзя.
Минчанка переехала в Пинск, и вот почему тут ей нравится больше
У гэтай частцы горада таксама прадаецца толькі адна кватэра.
«Эксклюзіўная» трохпакаёвая кватэра з высокімі столямі
Гэта «эксклюзіўная трохпакаёвая кватэра ў гістарычнай частцы горада Пінска» знаходзіцца на другім паверсе 2-павярховага цаглянага дома 1945 года пабудовы. Высокія столі, прасторныя светлыя памяшканні, вокны на два бакі і ўтульны балкон з відам на пешаходную вуліцу. Да кватэры прыкладаецца хлеў са склепам і гараж.
Дзе: вул. Леніна
Плошча: 106,6 кв. м
Пакояў: 3
Колькі каштуе: 257 361 руб. (89 000$)
Фота: Realt.by.
Фота: Realt.by.
Фота: Realt.by.
Фота: Realt.by.
Фота: Realt.by.
Перадрук матэрыялаў CityDog.io магчымы толькі з пісьмовага дазволу рэдакцыі. Падрабязнасці тут.
